新年剪紙牆貼 - 02 夢裏兔追

02 夢裏兔追
原來兔仔好多時會睜開眼瞓覺。當你見到發呆嘅兔仔，好可能佢哋正在追夢！追夢唔容易㗎，不論你想追逐蘿蔔定白雲，祝願你係兔年夢想成真。 所有剪紙作品均先以手工繪製同切割，數碼化後再用Cricut 裁切機逐張複制。剪紙作品採用傳統中式紅紙，保留傳統剪紙藝術品嘅啞光質感同獨特暗紅色。呢種紙質顏色或深或淺，有少少瑕疵，亦會受時間洗禮而褪色。正因為呢啲缺陷美嘅存在，每張作品都係獨一無二。 傳統中式紅紙非常精緻易爛，你唔會喺任何量產嘅產品見到佢。 設計師為咗保留紅紙質感，研發咗一套加工工序，喺屋企小批量製作。每張紅紙都採用80%循環再造咭紙作為底紙加強承托力，保留傳統同時增加耐用性。

產品尺寸： 280mm x 270mm
包裝尺寸：285mm x 285mm x 5mm

Tsaoao Design 品牌介紹
曹晉愷為香港執業建築師。畢業於劍橋大學(學士)及香港中文大學(碩士) ,曹於2015及2016年獲頒DFA香港青年設計才俊獎。現居於灣仔藍屋,致力將傳統手工藝滲透社區 。